Tækifæri í gervigreind

Íslandsbanki hefur á undanförnum árum skoðað ýmis tækifæri bæði til innri og ytri vaxtar bæði hér innanlands og utan. Í viðtali við ViðskiptaMoggann ræðir Jón Guðni Ómarsson bankastjóri Íslandsbanka um nýafstaðið útboð á hlut ríkisins í bankanum, mögulegar samrunaviðræður við Kviku, framtíðarsýn bankans og margt fleira.

Stærstu tækifærin liggja í tækninýjungum og gervigreind, að hans mati.

„Við höfum þegar farið af stað með eigin gervigreindarlausnir, þar á meðal 'Sam' sem svarar spurningum starfsmanna og veitir til að mynda aðgang að gæðahandbókum. Nú erum við að vinna að innleiðingu á Copilot frá Microsoft og aðlaga það að okkar rekstri,“ segir hann og bætir við að hann telji að bankinn geti þannig aukið bæði skilvirkni og þjónustugæði.