„Þetta er algjör bilun“

John Carew, leikari og fyrrverandi landsliðsmaður Noregs í knattspyrnu, segir starf samlanda síns Ole Gunnars Solskjær vera bilun. 

Solskjær tók við karlaliði Besiktas frá Tyrklandi í byrjun þessa árs en liðið hafnaði í fjórða sæti tyrknesku deildarinnar. 

Tyrkneskir stuðningsmenn eru þekktir fyrir að vera mjög ástríðufullir og blóðheitir og hefur meðal annars verið baulað á Solskjær af hans eigin stuðningsmönnum. 

Carew spilaði sjálfur með Besiktas sem leikmaður í eitt ár en hann lék einnig á Englandi, Ítalíu og í Frakklandi. 

„Fólk veit þetta ekki en að spila fótbolta í Tyrklandi og að vera hluti af tyrknesku fótboltamenningunni er algjör bilun. Solskjær hefur fundið fyrir því,“ sagði Carew hjá Nettavisen. 

• Blogga um frétt