Liverpool blandar sér í baráttuna um framherja

Forráðamenn enska knattspyrnufélagsins Liverpool hafa blandað sér í baráttuna um nígeríska framherjann Victor Osimhen.

Það er bandríski íþróttamiðillinn GiveMeSport sem greinir frá þessu en Osimhen, sem er 26 ára gamall, er samningsbundinn Ítalíumeisturum Napoli.

Frétt af mbl.is

United og Napoli að skipta á framherjum?

Hann lék með Galatasaray í Tyrklandi á láni á síðustu leiktíð þar sem hann skoraði 26 mörk í 30 leikjum í efstu deild Tyrklands, ásamt því að leggja upp fimm mörk.

Fer ekki til Sádi-Arabíu

Framherjinn hefur verið sterklega orðaður við Al Hilal í Sádi-Arabíu en hann hafnaði því að ganga til liðs við félagið þar sem hann vill halda áfram að spila í Evrópu.

Hann hefur meðal annars verið orðaður við Manchester United en hann er sagður spenntur fyrir því að reyna fyrir sér í ensku úrvalsdeildinni.

Forráðamenn Napoli vilja losna við framherjann sem kostar í kringum 75 milljónir punda.

• Blogga um frétt