Valdi Chelsea fram yfir Manchester United

Enski knattspyrnumaðurinn Liam Delap er genginn til liðs við enska úrvalsdeildarfélagið Chelsea.

Þetta tilkynnti félagið á samfélagsmiðlum sínum en framherjinn, sem er 22 ára gamall, skrifaði undir sex ára samning á Stamford Bridge.

Hann kemur til félagsins frá Ipswich þar sem hann skoraði 12 mörk í ensku úrvalsdeildinni á nýliðnu keppnistímabili.

Chelsea borgar í kringum 30 milljónir punda fyrir framherjann sem ákvað að velja Chelsea fram yfir Manchester United sem hafði einnig mikinn áhuga á honum.

• Blogga um frétt