Crystal Palace enskur bikarmeistari í fyrsta sinn

Crystal Palace er enskur bikarmeistari karla í knattspyrnu eftir 1:0-sigur gegn Manchester City í úrslitaleik á Wembley í dag.

Eberechi Eze skoraði mark Palace á 16. mínútu eftir góða skyndisókn liðsins. 

Eftir rúman hálftíma leik fékk Manchester City vítaspyrnu. Egyptinn Omar Marmoush fór á punktinn en Dean Henderson varði frá honum.

Þrátt fyrir mikla pressu City í síðari hálfleik hélt Crystal Palace út og vann 1:0-sigur. 

Þetta er í fyrsta skipti sem Crystal Palace er enskur bikarmeistari en félagið hafði tvisvar áður komist í úrslit, árin 2016 og 1990.

• Blogga um frétt