Stórliðin gætu mæst í úrslitaleik

Breiðablik og Valur gætu mæst í úrslitaleik bikarkeppni kvenna í fótbolta en dregið var í undanúrslit keppninnar á Rúv í kvöld.

Á Hlíðarenda tekur Valur á móti FH en Valur lagði Þrótt úr Reykjavík, 2:1, í átta liða úrslitunum á meðan FH hafði betur gegn Þór/KA á Akureyri, 3:1.

Þá tekur Breiðablik á móti fyrstudeildarliði ÍBV á Kópavogsvelli en Breiðablik vann stórsigur gegn HK í átta liða úrslitunum, 5:1, á Kópavogsvelli á meðan ÍBV lagði Tindastól á Sauðárkróki, 3:1.

Undanúrslitin fara fram dagana 30. júlí og 31. júlí og úrslitaleikurinn fer fram þann 16. ágúst á Laugardalsvelli en Valur lagði Breiðablik í úrslitaleik bikarkeppninnar í fyrra á Laugardalsvelli, 2:1. 

• Blogga um frétt