Pepperóní-ostasalat úr gömlu Brauðréttabók Hagkaups
Nostalgíufiðringur fór um Berglindi Hreiðars þegar hún útbjó og smakkaði þetta ostasalat.
Ljósmynd/Berglind Hreiðars
Setja bókamerki
Berglind Hreiðars hjá Gotterí og gersemar ásamt betri helmingnum, Hermanni Hermannssyni, hafa verið að grúska í gömlu, góðu Brauðréttabók Hagkaups og úr varð að hún gerði þetta dýrindis ostasalat með pepperóní. Jóhannes Felixsson, betur þekktur sem Jói Fél, á heiðurinn af uppskriftinni enda ófáar uppskriftir eftir hann í uppskrifaseríubókum Hagkaups.
„Þetta er nokkuð stór uppskrift og dugar vel í tvær skálar svo þetta er hið fullkomna veislusalat. Við vorum farin að rífa ostinn niður á sínum tíma en ég hef færst aftur til þess að skera hann í teninga, bara reyna að hafa þá frekar litla,“ segir Berglind um ostasalatgerðina.
Nú er bara að prófa og slá í gegn í næsta boðið með þessu ostasalati.
Pepperóní-ostasalat
- 200 g Heinz majónes
- 150 g sýrður rjómi
- 1 papriku kryddostur
- 2 pepperóní kryddostur
- 100 g skinka
- 50 g salami
- ½ laukur
- 20 vínber
Aðferð:
- Pískið majónes og sýrðan rjóma saman.
- Skerið ostinn í litla bita ásamt skinku og salami. Saxið laukinn smátt og skerið vínberin niður.
- Blandið næst öllu saman og leyfið að standa í kæli í 3 klukkustundir og njótið með Ritz-kexi og/eða góðu brauði.
Baðlón við Holtsós í skipulagsferli
Mótmæla blokkinni á Birkimel
Engin merki um þinglok í nánd
Kona á sextugsaldri úrskurðuð í varðhald
Innri endurskoðandi hættur
/frimg/1/27/86/1278621.jpg)
Árásirnar bara byrjunin
Kvika hafnar samrunaviðræðum við Arion banka og Íslandsbanka