Innlent | Spursmál | mbl | 1.6.2025 | 9:40

Heimur á heljarþröm: Samtal við Björn Bjarnason

Bókaklúbbur Spursmála kemur saman á Kjarval til þess að ræða Kúbudeiluna 1962. Þar mun Björn Bjarnason eiga samtal við Stefán Einar um bók Max Hastings um málið og hvernig sagan talar inn í samtímann.

Viðburðurinn fer fram í salnum Fantasíu á Vinnustofu Kjarvals við Austurvöll (gengið inn um Austurstræti).

Allir klúbbmeðlimir eru meira en velkomnir en skráning á fundinn fer fram hér.

Hann hefst stundvíslega kl. 20:00 en húsið opnar klukkustund fyrr, 19:00. Á Vinnustofunni er hægt að kaupa léttar veitingar á tilboðsverði.

Frétt af mbl.is

Heimurinn var á barmi hengiflugs

Hægt að gæða sér á dönskum snittum

Bókaklúbburinn er auk þess í samstarfi við Jómfrúna í Lækjargötu og njóta klúbbmeðlimir sérkjara á þeim kvöldum þegar viðburðir eru. Nauðsynlegt er að bóka borð af þessu tilefni. Upplagt er að setjast niður um 18:00 og færa sig svo um sjö leytið yfir á Vinnustofu Kjarvals.

Ný bók í hverjum mánuði

Bókaklúbbur Spursmála hóf göngu sína í apríl síðastliðnum en markmið hans er að efla áhuga meðlma á samfélagsmálum með lestri góðra bóka. Í hverjum mánuði er kynnt ný bók til sögunnar sem síðan er fjallað um og tilraun gerð til þess að dýpka skilning þátttakenda á efni hennar og innihaldi.

Í apríl var fjallað um ævisögu Geirs H. Haarde, fyrrum forsætisráðherra. Í maí var umfjöllunarefnið hin fyrrnefnda bók Max Hastings um Kúbudeiluna og nú hafa klúbbmeðlimir tekið til við að lesa hið magnaða verk 1984 eftir George Orwell.

Frétt af mbl.is

Þegar ríkið vill stýra hugsunum manns

Bókin er á sérstöku tilboðsverði af því tilefni og kostar aðeins 2.999 kr. í verslunum Pennans.

Hér er hægt að skrá sig í Bókaklúbb Spursmála. Þátttakan kostar ekkert en henni fylgja fríðindi af ýmsum toga, meðal annars aðgangur að viðburðum klúbbsins.

Klúbburinn er starfræktur í samstarfi við fjögur öflug fyrirtæki. Pennann, Samsung, Kerecis og Brim.