„Næstu skipulögðu árásir á Íran verða harðari“
Setja bókamerki
Ráðamenn víða um heim hafa sent frá sér yfirlýsingar vegna árásar Ísraela á Íran. Flestir hvetja til þess að ríkin haldi aftur af sér til þess að koma í veg fyrir frekari átök.
„Næstu skipulögðu árásir á Íran verða harðari,“ segir Donald Trump Bandaríkjaforseti. Hann segist hafa verið meðvitaður um að Ísrael ætlaði að ráðast á Íran áður en það gerðist. Í samtali við Fox News sagði hann að Íranir „mættu ekki eiga kjarnorkusprengjur“.
Trump vonast þó til þess að geta sest aftur við samningaborð ásamt leiðtogum Íran.
Sérstakar áhyggjur af árásum á kjarnorkuinnviði
Antonio Guterres, aðalritari Sameinuðu þjóðanna, biðlaði til beggja ríkja að halda aftur af frekari árásum til þess að koma í veg fyrir frekari átök.
Hann sagði það skapa aðstæður sem ekki mætti við á þessu svæði. Þar að auki lýsti hann sérstökum áhyggjum af árásum Ísraelsmanna á kjarnorkuinnviði Íran, þar sem að Íran og Bandaríkin standa í samningaviðræðum.
Hættulegar aðstæður
Kaja Kallas, utanríkismálastjóri Evrópusambandsins, segir aðstæður í Mið-Austurlöndum hættulegar. Hún segir samskipti milli ríkjanna bestu leiðina og segist vera tilbúin og styðja við slíkar aðferðir til þess að koma í veg fyrir frekari átök.
Keir Starmer, forsætisráðherra Bretlands, hvatti bæði Ísrael og Íran til þess að stíga til hliðar eins fljótt og auðið er. Hann bætti því við að átök þjóni engum í þessum heimshluta.
Lin Jian, talsmaður utanríkismála í Kína, segir kínversk yfirvöld áhyggjufull um þær alvarlegu afleiðingar sem árásir eins og þessi geti haft í för með sér. Hann hvetur þá sem málið varðar að ráðast í aðgerðir sem tryggja frið og koma í veg fyrir frekari átök.
Kona á sextugsaldri úrskurðuð í varðhald
Fimm í haldi á Akureyri vegna þriggja mála
Ferðamennirnir voru Frakkar í ferðalagi saman
Mótmæla blokkinni á Birkimel
Krafa gerð um gæsluvarðhald
Tíu látnir eftir flugskeytaárásir Írans
Fáheyrður þingfundur á sunnudegi
„Allavega eitthvað samtal komið af stað“