Greta Thunberg flogin frá Ísrael

Greta Thunberg er á heimleið eftir að skútan Madleen sem hún og aðrir aðgerðarsinnar voru um borð í var stöðvuð af Ísraelsher. 

Frétt af mbl.is

Skútan Madleen komin í ísraelska höfn

Skútan var stöðvuð í gærdag og sigldi í kjölfarið í ísraelska höfn eftir að Israel Katz, varnarmálaráðherra Ísraels, hafði fyrirskipað her sínum að hindra för skútunnar. 

Utanríkisráðuneyti Ísraels tilkynnti fyrr í morgun á samfélagsmiðlinum X að Thunberg hefði yfirgefið landið í flugi til Frakklands en þaðan mun hún halda til heimalands síns Svíþjóðar. 

Farþegum skútunnar var gefin sá kostur að velja á milli þess að yfirgefa landið sjálfviljug eða þá að vera dregin fyrir ísraelska dómstóla. Thunberg valdi því þann kost að snúa til síns heima en fimm aðgerðarsinnar á skútunni hafa neitað að yfirgefa landið og munu því koma fyrir dómstóla. 

• Blogga um frétt