Svona líturðu best út á ferðalaginu

Áður en haldið er af stað út á land verðurðu að passa að þú sért með allan þann klæðnað sem þarf. Augljóslega þarftu vatnshelda yfirhöfn, því jú, þetta er nú Ísland, og þægilega skó. Hin fötin geta verið afslöppuð og þægileg.

Það er vont ef einhverjar flíkur þrengja að ef setið er lengi í bíl til dæmis og þess vegna eru mjúkar buxur bundnar í mittið frábær kostur.

Þú munt alltaf finna not fyrir ullarpeysu og sjal, því er mikilvægt að hafa það meðferðis. Ekki gleyma stuttbuxunum fyrir þá daga sem sólin lætur sjá sig.