Sýna einn öflugasta sportbíl Mercedes-AMG
Setja bókamerki
Askja heldur AMG-viðburð á laugardag og lofar „sportlegri stemningu og alvöru afköstum“ eins og það er orðað í tilkynningu.
Þar verður í aðalhlutverki tveggja dyra Mercedes-AMG GT 63 E Performance, sá fyrsti sinnar tegundar á Íslandi og einn öflugasti sportbíllinn sem Mercedes-Benz hefur smíðað.
Kraftinn fær bifreiðin frá V8-vél og háþróuðu tengiltvinnkerfi sem þróað var í anda Formúlu 1. Þetta skilar 816 hestöflum og hröðun úr kyrrstöðu í 100 km/klst á aðeins 2,8 sekúndum.
Auk GT 63 sýnir Askja fleiri sérvalda AMG-bíla, þar á meðal: Mercedes-AMG GLE 53, Mercedes-AMG CLE 53, Mercedes-AMG G 63, Mercedes-AMG EQE 43 SUV og Mercedes-AMG EQE 53.
Ágúst Hallvarðsson, sölustjóri Mercedes-Benz á Íslandi, segir Öskju hafa tekið eftir auknum áhuga á AMG-vörumerkinu, sérstaklega þeim AMG-bifreiðum sem koma í tengiltvinn-útfærslu, og stefnir í metár í afhendingum á AMG-bílum.
Viðburðurinn á laugardag er opinn almenningi og stendur yfir frá kl. 12-16.
