„Allir ættu að yfirgefa Teheran tafarlaust!“ skrifar Donald Trump Bandaríkjaforseti á sinn einkasamfélagsmiðil Truth Social þar sem hann er staddur á ráðstefnu G7-iðnríkjanna í Kanada.

Fer forsetinn ekki dýpra í málið en sem nemur þessari einu setningu, en vísar vitanlega til stríðsástands milli Ísraels og Írans, þar sem höfuðborgin er Teheran. Ísraelar hafa nú hert loftárásir sínar á Íran sem þeir hófu á föstudag og eins og mbl.is greindi frá fyrr í kvöld hófu Íranar árás á Ísrael fyrir nokkrum klukkustundum.

Þykir minna á Gasa

Hefur ísraelski herinn sent íbúum eins borgarhluta Teheran viðvörun og ráðlagt þeim að hafa sig þaðan án tafar vegna yfirvofandi árása og þykja þeir taktar minna töluvert á árásirnar á Palestínumenn á Gasasvæðinu sem nú eru meira og minna heimilislausir á vergangi.

Hefur Trump ítrekað færst undan því að svara fyrirspurnum um hvort Bandaríkin tækju þátt í hernaði Ísraela á hendur Írönum, en hefur gefið það út að þjóð hans hafi hvergi komið að þeim árásum sem þegar hafa átt sér stað.

Tengdar fréttir

Ísrael gerir árás á Íran

Vara Bandaríkin við því gera árás á Íran

• Katz segir æðstaklerk verða látinn sæta ábyrgð
• Funda um átök Írans og Ísraels
• Íranir gerðu eldflaugaárás á ísraelskt sjúkrahús
• Tífalt meira mannfall í Íran

» Fleiri tengdar fréttir

• Blogga um frétt