Yfirvöld í Kænugarði hafa greint frá því að þeim hafi borist 1.245 lík úkraínskra ríkisborgara frá Rússlandi í dag. Alls hefur Úkraína endurheimt yfir 6.000 lík undanfarna viku.

Um er að ræða síðasta áfangann í skiptum sem samið var um milli ríkjanna fyrr í mánuðinum í Istanbúl. Rússlandi bárust í dag 51 lík rússneskra hermanna frá Úkraínu og hefur alls fengið til baka 78 lík.

Rússneska varnarmálaráðuneytið greinir þó frá því að 1.248 lík hafi verið afhent Úkraínu í dag, sem eru þremur fleiri en Kænugarður segist hafa móttekið.

Frétt af mbl.is

Rússland og Úkraína skiptust á stríðsföngum

Segir Rússa viljandi gera auðkenningu erfiðari

Igor Klymenko, innanríkisráðherra Úkraínu, hefur sakað Rússland um að flækja viljandi ferlið við að bera kennsl á líkin og nefnir t.a.m. að líkamshlutar úr sama líki séu stundum í mismunandi pokum.

Hann bætir við að Úkraína hafi einnig fengið líkamsleifar rússneskra hermanna í bland við úkraínska á fyrri stigum skiptanna í síðustu viku.

Rússland hefur lýst sig reiðubúið að afhenda önnur 2.239 lík úkraínskra hermanna til viðbótar við það sem samið var um í Istanbúl.

Tengdar fréttir

Úkraína

Rússar eiga ekki möguleika ef NATO stendur saman

• Minnst 21 féll í einni hræðilegustu árasinni
• Úkraínumenn meðal látinna í gagnárásum Írana
• Augu flughers Rússa eru tekin að lokast
• Stærsta landið vill meira land

» Fleiri tengdar fréttir

Rússland

Minnst 21 féll í einni hræðilegustu árasinni

• Augu flughers Rússa eru tekin að lokast
• ESB leggur til nýjar viðskiptaþvinganir á Rússa
• Árásir Rússa á Kænugarð þær mestu frá upphafi stríðsins
• Metfjölda rússneskra dróna skotið á loft

» Fleiri tengdar fréttir

• Blogga um frétt