Rússar eiga ekki möguleika ef NATO stendur saman
Setja bókamerki
Kaja Kallas, utanríkismálastjóri Evrópusambandsins, segir að Rússar eigi ekki möguleika gegn Atlantshafsbandalaginu, NATO. Bandalagið þurfi engu að síður að standa saman þegar kemur að því að halda aftur af þeim.
Leiðtogafundur NATO verður haldinn í næstu viku í Hollandi. Aðildarríki sambandsins eru undir þrýstingi frá Bandaríkjunum um að auka stórlega við framlög sín til hernaðarmála. Kallas varar við því að slíkt dugi ekki til eitt og sér til að stöðva Rússa.
„Verðum að standa saman“
„Í dag eiga Rússar ekki möguleika gegn NATO og ESB. En við verðum að standa saman,” sagði Kallas á Evrópuþinginu.
„Þegar leiðtogar NATO hittast í næstu viku er álíka mikilvægt að standa saman og að eyða meiri peningum í varnarmál.”
Óvissa um áreiðanleika Bandaríkjanna
23 aðildarríki NATO eru einnig í Evrópusambandinu en þar eru aðildarríkin 27 í heildina. Óvissa hefur ríkt innan bandalagsins um áreiðanleika Bandaríkjamanna undir stjórn forsetans Donalds Trump og hversu mikinn þátt þeir eru tilbúnir til að taka í vörnum Evrópu.
Á ráðstefnu í Kanada í gær tókst leiðtogum G7-ríkjanna ekki að búa til sameiginlega yfirlýsingu þar sem þeir fordæmdu Rússa vegna aukins þunga í árásum þeirra á Úkraínu, eftir að Trump yfirgaf ráðstefnuna snemma.
Trump hefur hingað til ekki tekist að binda enda á stríðið í Úkraínu með samningaviðræðum við Rússa.
Varar við eyðslu Rússa í varnarmál
Kallas varar við aukinni eyðslu Rússa í hernaðarmál og segir að öðrum þjóðum í Evrópu stafi hætta af því.
„Á síðasta ári eyddu Rússar meira í varnarmál en ESB samanlagt. Á þessu ári eru Rússar að eyða meira í varnarmál en í eigið heilbrigðiskerfi, menntakerfi og félagslega kerfið samanlagt,” sagði hún.
/frimg/1/57/52/1575218.jpg)
„Þetta er langtímaáætlun fyrir átök til langs tíma. Þú eyðir ekki svona miklu í herinn ef þú ætlar ekki að nota þessa peninga.”
Sló í brýnu í þingsal
„Getur ekki leyft tilfinningunum að þvælast fyrir“
Steinþór sýknaður í Hæstarétti
40 manns komu að lögregluaðgerðunum
Bensín fannst í sýnum á Hjarðarhaga
Þingfundir í júlí mögulegir
/frimg/1/57/59/1575951.jpg)
„Draumur sem mér datt aldrei í hug að myndi rætast“
Bláfugl greiði 55 milljónir í skaðabætur